Ni Karl Isaac Santos
Dinadaya ako ng pahanong
Sinusubukan kong dayain.
Ang panahon ay alimuom
Ng ulan. Madaya. Mainit sa pakiramdam
Kahit malamig ang paligid.
Lagnat sa dibdib ang panahong
Ibig kitang limutin.
Subalit, paano nga ba
Lilimutin ang unang lumimot,
Kung naaalala ko
Sa panahong gusto kong malimot
Ang huli mong halik sa pisngi
At ngakong hindi mo ako malilimot?
No comments:
Post a Comment