Ni Karl Santos
Hinihintay ko ang ganitong gabi
Na magugusot ang puting ulap.
Nakatitig tayo sa kani-kaniyang
Itim na bituin:
Nagtatago sa malamlam na talukap
Tuwing nagsasabay na ang ungol
At langitngit ng maganit
Nang langit.
Umulan sa loob mo
Nang humihingal kang bumulong,
"Nasa lahi talaga natin
Ang maitim na bituin."
* Unang nalathala sa Philippines Graphic Magazine
No comments:
Post a Comment