*ILOKANO-FILIPINO POEM*
Ni Bayani Macatiag Gabriel
DANIW TI PANAGAYAT
Itartaray ti angin 'toy timekko
No kasangsango ka.
Isu a kadayta nga rabii
A naraniag ti bulan,
Ramanak ti tunggal letra
Tapno masigurok nga nasam-itda;
Isabbuagko ti angin
Tapno maanglabko no nabangloda metlang;
Sakak ida maysa-maysaen nga urnungen
Keng ubunen tapno agbalin a sao;
Agbalin a daniw.
Kastoy ayat ti aramidek
Maibagak laeng ti limed a panagayat.
Bay-am kuma a agitoy
Dandaniwko iti mangarog kengka.
* * *
TULA NG PAG-IBIG
Itinatangay ng hangin ang aking tinig
Kapag kaharap kita.
Kaya ngayong gabi
Na maliwanag ang buwan,
Titikman ko ang bawat letra
Upang masigurong matamis ang mga ito;
Isasaboy ko sa hangin
Upang masamyo kung mabango rin.
At saka ko isa-isang iipunin
At tutuhugin upang maging salita;
Maging tula.
Ganito mahal ang aking gagawin
Masabi lamang ang lihim na pagtingin.
Hayaan mo sanang
Ligawan ka ng aking mga tula.
No comments:
Post a Comment